Del 1 al 6 d’abril La Pola Siero compaxinará los Güevos Pintos coles xornaes de Folclor Astur entamaes pola Escuela de Música El Ventolín

La Selmana del Folclor Astur, entamada pola Escuela de Música Tradicional El Ventolín, tendrá llugar ente los díes 1 y 6 d’abril. Na presentación, que tendrá llugar el día ún na sede d’El Ventolín, proyectaráse un vidiu d’anteriores ediciones. El grupu participará al día viniente na  cellebración de los Güevos Pintos, con un conciertu, bailles y participando nel desfile. El miércoles habrá un taller d’acurdión diatónicu, a les cincu de la tardi, y a les ocho l’estrenu de “Por un puñáu de castañes”, obra de Teatru Costumista representá pol Grupu Teatru Carbayín. 

La música sedrá la protagonista los díes vinientes, con talleres de flauta travesera y tambor, el xueves, y de gaita y pandereta el vienres. Tolos talleres son de baldre pero ye necesario reservar plaza.

El broche d’oru a la selmana pondránlu col Festival de Música y Baille tradicional, nel que amás d’El Ventolín participarán el Grupu Baille Fitoria, y la Banda Gaites de Villaviciosa – El Gaitero.

Susana Sela

This work is licensed under a Creative Commons Attribution 4.0 International License.