Esta reconocencia tien una validez de dos años, 2024-2026, y compromete a Xixón a revalorizar el destín al traviés de la gobernanza, la caltenibilidá, la tecnoloxía, la innovación y l’accesibilidá.
Xixón volvió superar en xineru 2024 los requisitos esixíos pola metodoloxía DTI, lo que supónn la renovación del distintivu de Destín Turísticu Intelixente llográu en 2020. Asina, Xixón remanez nel grupu de destinos que lideren la excelencia en materia d’implantación del modelu DTI, asitiándose a la vanguardia del desendolcu turísticu.
El Destín Turísticu Intelixente defínese como un destín turísticu innovador, consolidáu sobro una infracadarma tecnolóxica de vanguardia, que garantiza’l desendolcu caltenible del territoriu turísticu, accesible pa toos, facilitando la interacción ya integración del visitante cola redolada y amontando la calidá de la so esperiencia nel destín y la meyora de la calidá de vida del residente.
P’algamar estos oxetivos, el programa DTI promueve la implantación d’un modelu de xestión que tien en cuenta la transversalidad de l’actividá turística y les característiques diferenciadores de ca destín. Articuláu sobro una metodoloxía de diagnósticu, basada en 97 requisitos y 261 indicadores, deriva nun sistema d’encamientos, un plan d’acción y un sistema de monitorización, que conformen los elementos fundamentales del modelu, permitiendo un procesu de meyora continuu de la xestión del destín afecha a los retos presentes y futuros del turismu. Poro, de nun quedar esti plan en papel moyao, nos prósimos años tendríemos de ver una evolución del modelu turísticu xixonés escontra estos oxetivos.
Esta reconocencia tien una validez de dos años, 2024-2026, y ta suxetu a un procesu de renovación. Esto somete al destín a un procesu de meyora continua, comprometiéndose a una renovación de los oxetivos y estratexes y una adaptación a les necesidaes de la redolada futura que desagüen nuna revalorización del destín.
Susana Sela
This work is licensed under a Creative Commons Attribution 4.0 International License.
