Catalunya, Euskadi y Asturies, onde menos se siguió’l discursu del rei en Nuechibona, que per otru llau pierde audiencia en tol estáu

6 millones d’espectadores vieron el discursu del rei Felipe VI na nueche del 24 d’avientu, la proporción más baxa dende l’entamu de les emisiones añales del discursu navidiegu. N’Asturies, foron alrodiu 540.000 persones, pocu más del 54% de les televisiones asturianes, les que siguieron les pallabres del rei, n’abondos casos apagando a costafecha’l televisor pa que nun mos metieren a calzaor les pallabres del Borbón metanes la programación. 

Per delantre d’Asturies, namás Catalunya, col 42,3% ya Euskadi, col 46,7% de la so población siguiendo’l mensaxe real, seique neses comunidaes nun foi retrasmitíu nos canales autonómicos, lo que facilitó que menos xente dexare’l televisor prendíu por descuriu demientres el discursu. Cuartu na llista, depués d’Asturies, Canaries tampocu prestó muncha atención, col 61,3%. Onde más xente escuchó’l discursu foi nes Castielles, pero baxando tamién los porcentaxes perbaxo siempres del 80%.

Los díes anantes de Nuechibona Andecha Astur entamare una campaña cola famosa frase “¿Por qué no te callas? afalando a la población asturiana a amatar la tele demientres el discursu.

Nel Dos Santos

This work is licensed under a Creative Commons Attribution 4.0 International License.