Carmen Moriyón allantra’l prósimu aniciu de la Rede Europea de Ciudades de la Sidre -RECS- cola prósima firma del Protocolu d’Apautamientu con representantes municipales de dellos países europeos
L’alcaldesa xixonesa afita’l compromisu de la so corporación cola cultura asturiana de la sidre, allantrando que nel prósimu XIII Salón Internacional de les Sidres de Gala, tendrá llugar la firma del Protocolu d’Apautamientu a la Rede Europea de Ciudaes de la Sidre (RECS), cola presencia estremaos representantes de conceyos europeos venceyaos tamién a la sidre.
La RECS ye un proyeutu llargamente trabayáu pola Fundación Asturies XXI, organización qu’entama tamién el SISGA, que quedare pendiente de concretar col conceyu Xixón a la fin del anterior mandatu de Carmen Moriyón. Cola so vuelta a la Casa Conceyu el proyeutu torna ponese’n marcha y roblaráse nel caberu trimestre del 2023, coincidiendo cola cellebración del SISGA.Nel citáu protocolu afítase, pente otres cuestiones, que Xixón sedrá la see principal y permanente de la RECS, lo que supondrá de xuru un bon encontu a la reconocencia pola Unesco de la Cultura Asturiana de la Sidre como Padremuñu Inmaterial de la Humanidá.
Alberto Rodríguez
This work is licensed under a Creative Commons Attribution 4.0 International License.
