Les investigaciones abriérense de magar la denuncia interpuesta pola Coordinadora Ecoloxista d’Asturies, tres comprebar la esistencia d’un vertederu incontroláu na turbera de Dueñes
La turbera ye Monumentu Natural Declaráu pol Decretu 99/2002, formando parte’l Paisaxe Protexíu de la Costa Ocidental. La so emportancia estriba tanto nel so tamañu -26 Ha, la mayor d’Asturies- comu nel so allugamientu, ya que son rares les turberes mariñanes, siendo tamién relevante pola cantidá d’especies protexíes que medren nel so interior.
La compentencia de xestión de residuos ye municipal y correspuende al Conceyu de Cuideiru la retirada de la basoria y la so derivación a un xestor autorizáu, procediendo a la clausura del vertideru, cola correspondiente señalización tres de la llimpieza del llugar.
Aparte del evidente dañu paisaxísticu y contaminante, los abondos vertideros clandestinos qu’esisten n’Asturies presenten un nidiu riesgu d’incendiu.
Alberto Rodríguez
This work is licensed under a Creative Commons Attribution 4.0 International License.
