El 22,3 % de los asturianos afirma ya qu’escoyería acudir a la sanidá privada ante la ineficiencia de la pública, que pasa a ser la segunda opción, obligada por cuestión económica. Con ello podemos afirmar que la planificación pro-privada desendolcada pol gobiernu asturianu nes caberes décades ta frutiando
la Federación de Asociaciones para la Defensa de la Sanidad Pública (FADSP) califica la situación d’esmoleceora en tol Estáu. Acordies el so informe, un de ca seyes pacientes asturianos que necesitaron atención mélica por problemes de salú d’emportancia, nun la recibieron. Dellos desviáronse innecesariamente a urxencies, saturando esi serviciu, otros -quienes económicamente pudieron- acudieron a la privada y la mayoría nun fizo na, confiando en que’l problema se desaniciare solu, n’ocasiones con fatídicu resultáu.
L’ Atención Primaria ye l’escalón mélicu más utilizáu, con una frecuencia d’alrodiu diez visites por persona y añu, pero nos caberos tiempos les cites en persona retrásense fasta una selmana por falta personal, con una media de 5’6 díes pa ser atendíu, lo que fae que munchos casos el paciente apiore asgaya anantes de recibir visita mélica, convirtiendo enfermedaes menores n’otres más graves y torgando la utilidá qu’esta atención tien pa facilitar diagnósticos tempranos.
Cuasi la mitá de los facultativos asturianos atiende a más de 1.500 pacientes, ratiu másimu oficial pa garantizar una atención sanitaria afayaiza.
Alberto Rodríguez
This work is licensed under a Creative Commons Attribution 4.0 International License.
1 Comment Already