El Conceyu  Siero tapa a la minera de La Viesca na so ampliación

  • 9 Avientu, 2022

La Coordinadora Ecoloxista d’Asturies pidi al Conceyu de Siero que nun otorgue llicencia a la minera MPD Fluorspar pa 2 nuevos sondeos mecánicos en Muñó, dientro del proyectu d’ampliación de la mina  La Viesca

Entienden qu’esta llicencia nun puede ser otorgada al producise un cambéu sustancial respectu de l’autorización de la que disponía la minera.

Col resolvimientu de 8 de xunetu de 2022 de la Conseyería d’Industria, Empléu y Promoción Económica pola que s’aprueba’l denomináu “Proyectu d’investigación: prospección xeolóxica nel distritu mineru de La Collada”, conceyos de Xixón y Siero, promovio pola sociedá “MPD Fluorspar, S.L.O.” según el so Plan de Restauración, espublizada nel BOPA del pasáu 29 de xunetu del 2022, nun pueden considerase autorizaos los sondeos en Barreru, na parroquia de Muñó, yá que dichos sondeos nun se contemplaben en dengún momentu dientro’l proyectu que aprebau.

Hai que recordar qu’esta empresa minera yá realizara sondeos con anterioridá ensin llicencia dalguna y cola complicidá del Conceyu, que nun yos la desixó,comu ye llegalmente preceutivo, sondeos que ya foren denunciaos entós dende la Coordinadora Ecoloxista.

“Entendemos que se minusvalora dafechu l’impactu de los sondeos nes agües soterrañes. Gran parte d’ellos fadrán en zones altamente permeables por fisuración y karstifiación. Tamién hai sondeos emplazados en zona de conglomeraos xilizos y arenes, altamente permeables, de la Unidá del Xurásicu Mediu (Dogger) de Xixón-Villaviciosa. A pesar d’ello, nin s’analiza la vulnerabilidá de les agües soterrañes a la contaminación, nin se presenten midíes de prevención y vigilancia acorde a la so importancia” declaró Fructuoso Póntigo, voceru de la Coordinadora Ecoloxista.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies