Un camión balta l’horru los Escarapos

  • 13 Xunu, 2022

Ye d’envalorar esta pocu avezá eficiencia y la rapidez cola que se punxeron d’alcuerdu vecinos, propietarios y alministraciones pa refacer esta emportante pieza del padremuñu asturianu

L’horru los Escarapos, que s’alcuentra nuna finca privao y taba n’usu, tinía más de doscientos años d’antigüedá. Los vecinos de Somao ya tan buscando la manera de recostruyilu

El baltáu nun ye l’únicu horru de la parroquia de Somao, pero si yera del que más arguyuyosos taben los vecinos. Más de dos sieglos d’hestoria contemplaben el pueblu dende la so tenobia cuando un camión calculó mal les distancies, baltándolu.

Vecinos y Casa Conceyu reacionaron con velocidá ya’l casu yá ta en conocimientu de Padremuñu, que s’amosaron partidarios de recostruyir l’horru, aprofitando na midía lo posible los sos materiales orixinales. L’estudiu del arquiteutu, que ta güei mesmu valorando les posibilidaes de recostrución, ye’l primer pasu nesi sen. La compañía de seguros del camión tendrá de facese cargu de los gastos.

La firme decisión de los vecinos del pueblu y la so rapidez d’actuación son factores claves pa que n’esti casu, contra’l vezu, se ten poniendo midíes darréu pa iguar la llaceria. Cabe esperar que Padremuñu respuenda correchamente, poniendo cola mesma rapidez los medios p’alzar l’horru y qu’esta eficiencia nun seya de magar agora una esceición, sinon la norma a la de restaurar les pieces padremuñales dañaes.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies