XixónTours, actividá entamá pol portal de turismu VerAsturies, ufierta una nueva visita guiada pa conocer la ciudá d’una forma distinta, tantu a los mesmos habitantes del conceyu y a los asturianos en xeneral como a cualesquier persona que, viniendo d’otros llugares, quiera averase a conocer la intrahestoria de Xixón nuna visita guiada n’asturianu. La visita diseñóla’l fondu conocedor de la hestoria de Xixón, Daniel García de la Cuesta, que participará na guia de la mesma.

El sábadu 14 de mayu, a les 19,30, onde La Escalerona de la playa, Xixón Tours entama la ruta guiada na que  se cuntarán coses de muyeres que ficieron hestoria na ciudá.

Son munches les muyeres de les que falar y nun faltarán referencies a la escritora n’Asturianu María Teresa González, a Xosefa Xovellanos, Aurora Sánchez, Corín Tellado, María González La Pondala, Concha Mori, Pepa Osorio, María Teresa González, Rosario Acuña, Rafaela Lozana, Rosario Trabanco y más, ensin escaecer les vraeres protagonistes del díi ente díi hestóricu de la ciudá, les pescaeres, les cigarreres, les muyeres qu’emburriaron l’avance de Xixón dende les cais.

Durará sobre una hora y media nun percorríu d’un quilómetru y mediu, pasando per dellos llugares de Cimavilla, fasta rematar na plaza 6 d’agostu.