• Portada
  • >
  • Conceyos
  • >
  • Xixón torna anunciar el Festival Aéreu col que cellebra’l bombardéu de la ciudá nel 37

Xixón torna anunciar el Festival Aéreu col que cellebra’l bombardéu de la ciudá nel 37

  • 28 Abril, 2022

La conseña “gastos militares pa escueles y hospitales” enxamás nun tuvo tan vixente. Namás col presupuestu dedicáu a los aviones Eurofighter EF-2000 que sobrevolaron Xixón n’años anteriores podríen caltenese 25 hospitales y 27.720 cames d’hospital

 

Depués de dos años de descansu, el conceyu torna anunciar la cellebración del Festival Aéreu Internacional, nes mesmes feches en qu’entamó’l bombardéu de Xixón por parte del mesmu exércitu qu’agora tornará sobrevolar la ciudá.

La perversa relación pente’l plenu xixonés, les empreses privaes ya’l ministeriu de defensa faen que los porgüeyos militaristes y españolistes prevalezan sobre la voluntá de la ciudadanía, que lleva años reclamando  l’asignación de los gastos militares a fines sociales y la fin d’esta esibición militar, contaminante, tremendamente costosa y que dexa nel aire ciertu tastu a menacia.

L’añal esibición de potencia bélica nel que l’exércitu español protagonizará una demostración de fuercia, gastu inxustificáu y contaminación -acústica y atmosférica-  pa una masa acrítica, que mirará embaecía pal cielu, ensin aparase a camentar cual ye la vraera finalidá de la maquinaria de guerra que tien enriba, nun dexa de ser una descomaná maniobra publicitaria que trata d’amosar quien ye’l más fuerte, amosando al tiempu  “la cara amable” d’unos aparatos diseñaos pa matar eficientemente, guiaos por persones entrenaes precisamente pa eso. Un grotescu actu d’autobombu español y militarista con un tresfondu menaciante y macabru nel que muerte y arruelu van de la man.Por tou ello, la oposición de los xixoneses a esta esibición lleva años faciéndose patente y son abondes les organizaciones, asociaciones y partíos que pidin que se ponga fin a esti despropósitu.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies