• Portada
  • >
  • Conceyos
  • >
  • Una tractorada reclama en Peñamellera que s’escuche al campu asturianu

Una tractorada reclama en Peñamellera que s’escuche al campu asturianu

  • 2 Marzu, 2022

A la protesta, convocá pola Asociación de Ganaeros y Llabraores del oriente d’Asturies (Ganagri),  allegaron 40 tractores y alrodiu de 300 manifestantes, que reclamaron un futuru pa la ganadería y l’agricultura na contorna oriental de Asturies,  percorriendo  los 3,5 km que dixebren Suarías de Panes, capital de Peñamellera Baxa pela carretera  N-621

Les denuncies contra cortes de ganaeros del pueblu peñamelleranu de Suarías foron el detonante que volvió sacar a la cai a un sector primariu que yá nun aguanta más abusos y qu’esixe respetu pal mediu rural.

El pidimientu central de la tractorada celebrada en Peñamellera Baxa vuelve ser la de ser escuchaos, énte la persistente negativa del presidente asturianu a dar voz al campu.  Les normes redactaes ensin consensu lleven a situaciones como les xeneraes pol reglamentu “d’actividaes cafiantes”, datáu en 1961 y que xustifica les denuncies por “malos golores” causaos pola presencia de cortes, desixéndose en Peñamellera Baxa cuestiones tan fuera de sitiu como 250 metros de distancia ente la corte y les viviendes o que se considere ganadería intensiva a 21 reses.

La medrana de los ganaderos ye que la situación se repita en cuadres per toa Asturies, priorizándose’l turismu o’l caprichu de recién llegaos que nun saben lo que ye un pueblu frente a l’actividá tradicional de la que dependen económicamente les zones rurales.

 

Vitor Corte

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies