• Portada
  • >
  • Asturies
  • >
  • La esquierda alternativa manifestóse’n Xixón pa vindicar el Díi de la Nación Asturiana

La esquierda alternativa manifestóse’n Xixón pa vindicar el Díi de la Nación Asturiana

  • 9 Setiembre, 2021

Andecha Astur, Bloque Críticu, CNT, Comité d’Asturies pola Amnistía, Compromisu por L.lena, Corriente Sindical d’Izquierda, FAMYR, Mocedaes Comunistes, Nora Antifa y otres organizaciones de la esquierda alternativa asturiana defendieron güei, con un manifestamientu en Xixón, el drechu del Pueblu Asturianu a decidir el so futuru, comu forma de vindicar el Díi de la Nación Asturiana

Los convocantes del manifestamientu de Xixón defendieron que ye tiempu de lluchar na cai, de xenerar alternatives populares y de trabayar xuntos polos drechos sociales, económicos, llaborales y políticos de la clas trabayaora asturiana y pol drechu del Pueblu Asturianu a decidir llibremente’l so futuru.

Defendieron tamién que, “magar la situación de cris a la que mos empobinaron los partíos españoles y el réxime Borbónicu al qu’obedecen, Asturies tien futuru, ún nel que la mocedá podrá facer el so proyeutu de vida n’Asturies, onde se xenerarán puestos de trabayu y condiciones llaborales dines, con sirvicios públicos de calidá y pa toes, y con pensiones y salarios afayaízos. Una Asturies ensin llugar pa la corrución y sí pa la Memoria Hestórica y la xusticia, onde la llucha sindical y ciudadana nun sedrá criminalizá y reprimía. Una Asturies onde se respete la identidá cultural, la oficialidá de la nuesa llingua, los drechos de les muyeres y del colleutivu LGTBI. Una Asturies, en definitiva, onde la soberanía popular y la solidaridá obrera permitirán que la clas trabayadora decida con llibertá’l so futuru”.

P’algamalo, los convocantes llamaron a defender de contino estos drechos na cai, a solidarizase coles munches empreses en llucha qu’hai n’Asturies  y a combatir “el discursu oficialista de falsa democracia y falsa prosperidá… porque Asturies tien futuru y ta nes nueses manes”, afitaron.

El manifestamientu cuntó cola participación de trabayaores de les empreses que güei lluchen polos sos drechos: La Suiza, Vauste, Alsa, Modultec, EBHI, SAD… Nel discursu pronunciáu n’El Náuticu, hebio pallabres de solidaridá y compromisu pa con estos colleutivos obreros y tamién pa cola mocedá asturiano, mui presente nel manifestamientu.

 

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies