Asturies pol Clima realizó ayeri una aición pública y ronda ciclista col llema “Peatonalización y movilidá caltenible pa enfriar el planeta” na sablera de San Llorienzu, en Xixón
El llugar escoyíu pa realizar esta revindicación fue El Muro de la sablera colenvís de señalar la relación d’alderiques comu’n plantegáu alrodiu la peatonalización d’esti paséu y la situación d’emerxencia climática, cola importante contribución de les formes de movilidá y tresporte al calentamientu global. El usu masivu del coche, aporfiaron dende Asturies pol Clima, ye una de las principales fontes d’emisión de Gases de Efeutu Invernaderu.
Na so intervención insistieron en que al falar de peatonalización tamos debatiendo non solo un modelu de ciudá y movilidá más humanu y saludable sinon tamién la nuesa contribución al indispensable enfriamientu global. “El proceso del calencimientu global, que progresivamente se manifiesta con más intensidá y xorrecientes impautos en vides humanes y daños ambientales, desixe d’importantes cambios y medies urxentes; cambios nes mentalidaes y la forma de movilidá tamién” Nesi sen dirixiránse a la comisión municipal responsable d’esta cuestión nel so primer conceyu, que tendrá llugar a primeros de setiembre.
Durante el evento realizaron amás un mural efímeru so’l sable.
Redaición InfoAsturies
This work is licensed under a Creative Commons Attribution 4.0 International License.
