• Portada
  • >
  • Mundiu
  • >
  • Manolo Monereo y el neofascismu “rojipardo” 

Manolo Monereo y el neofascismu “rojipardo” 

  • 13 Xunu, 2021

 

Manuel Monereo Pérez ye un intelectual de llarga trayectoria política nel ámbitu de la esquierda tricolor española (PCE, PCPE, IU, Unidos Podemos), que desempeñó llabores tan destacaos como la dirección de la Fundación d’Investigaciones Marxistes (FIM). Tamién ye collaborador habitual de la revista marxista El Viejo Topo

Por embargu, nestos caberos tiempos la so figura ta siendo cuestionada por mor del discutiniu esistente dende 2018 en redol al nomáu «rojipardismo».

El 5 de Setiembre de 2018, Monereo publicó un escritu en Cuarto Poder, que tamién diba robláu por Héctor Illueca y Julio Anguita, col títulu de ¿Fascismo en Italia? Decreto dignidad. Esti artículu pretendía negar el calter fascista del salvinismu emponderando delles midíes positives del Gobiernu italianu en materia de proteccionismu socioeconómicu. Por embargu, los autores desconocíen, o igual aparentaben desconocer, que’l proteccionismu socioeconómicu formó parte del programa políticu que a lo llargo de la primer metá del sieglu XX defendieron los nomaos fascismos clásicos. Esti escritu darréu desencadenó numberoses rempuestes, ente les cuales podría señalase l’artículu ¿Por qué queréis blanquear a Salvini?, publicáu por Steven Forti en CTXT el 11 de Setiembre de 2018, onde esplicaba ente otres coses el calter ultraderechista de la coalición que gobernaba entós Italia, integrada pol Movimientu 5 Estrelles y pola Lliga.

El discutiniu volvería abrise por cuenta de la entrevista col intelectual neofascista italianu Diego Fusaro que’l periodista Esteban Hernández publicó’l 29 de Xunu de 2019 n’El Confidencial. L’aspeutu más problemáticu d’aquella entrevista nun yera’l fechu de qu’un intelectual neofascista fora entrevistáu, sinón que la so condición de neofascista foi tapecía al empar que yera presentáu como «marxista», esto ye, l’usu engañosu de la etiqueta «marxista» col enfotu de blanquiar y llexitimar a un intelectual neofascista y al so discursu políticu. Ente los artículos de protesta que daquella s’escribieron pue señalase Fusaro como síntoma, publicáu por Alba Sidera en CTXT el 4 de Xunetu de 2019, onde esplicaba qu’énte la deriva neolliberal de los partíos mayoritarios de la esquierda europea la táctica neofascista consiste na apropiación indebida y la resignificación de figures y conceutos propios de la tradición comunista. Ente los escasos defensores de Fusaro destacó precisamente Monereo, que nuna entrevista publicada n’El Viejo Topo col títulu de «Sin pelos en la lengua» afirmaba que: «Yo a Fusaro lo conozco desde hace años, porque lo he leído en El Viejo Topo, porque lo he seguido en Italia y porque leí mucho a su maestro (…) Decir que Fusaro es racista, decir que está en contra de la inmigración, que es fascista o antifeminista, es una barbaridad y no tiene nada que ver con el debate real que se está dando en Italia». Otru de los defensores de Fusaro foi’l filósofu gustavobuenista Carlos X. Blanco col testu Por una izquierda Viriato. Monereo de la mano de Gramsci y Fusaro: contra la izquierda traidora, publicáu na revista ultraderechista La Emboscadura, disponible pa la venta en tiendafalangista.com. Pa quien nun lo sepa Fusaro collabora dende 2018 con Il Primato Nazionale, el periódicu de la organización neofascista Casa Pound, como indicaba l’artículu El caballo de Troya de la extrema derecha, publicáu por Steven Forti en CTXT el 3 de Xunetu de 2019. Darréu, el 12 de Setiembre de 2019, La Vanguardia informaba de la creación d’un partíu políticu nomáu Vox Italia y de que’l so líder yera precisamente Fusaro.

El 12 de Marzu de 2020, Monereo y un tal Paris Álvarez publicaben en Cuarto Poder un artículu tituláu La gran mentira de Vox: ni patriota ni social. Curiosamente Paris Álvarez non solamente publica artículos n’El Viejo Topo sinon que ye coautor d’un llibru publicáu pola editorial Eas col títulu de Geopolítica y coronavirus. Ente los otros coautores atópense Alain de Benoist y Alexander Dugin. Pa quien nun conoza a la editorial Eas y tenga dalguna dulda sobro’l so allugamientu ideolóxicu ye recomendable que dedique cinco minutos a estudiar el catálogu disponible na so páxina web, onde va poder alcontrar títulos como Enrique I, Otto el Grande y el surgimiento del Primer Reich AlemánLa misteriosa visita del Reichsführer Heinrich Himmler a EspañaIndoeuropeos. En busca del hogar de origenEvola frente al fatalismoEl guerrero asceta y las runasRudolf Hess, enigmático emisario de pazTragedia europea. Una visión alternativa de la Segunda Guerra Mundial o ¡No le llame negro, llámele subsahariano!: Guía para conocer y evitar ser «Políticamente Correcto». Al respective de los coautores colos que Paris Álvarez publicó’l so llibru podría comentase que Alain de Benoist ye’l líder del movimientu neofascista Nouvelle Droite, en Francia,  al empar que Alexander Dugin foi ún de los cuadros del Partíu Nacional Bolchevique, en Rusia.

Curiosamente Fusaro, al igual que Paris Álvarez, tamién publicó artículos n’El Viejo Topo y tamién publicó un llibru cola editorial Eas. La pauta «rojiparda» ta repitida nestos dos escritores.

Salvini, Fusaro, Paris Álvarez, ¿quo vadis, Manolo?

 

María López, militante ecofeminista

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies