Nun engañéis, el problema nun ye’l coronavirus, esa ye la escusa. El problema, como siempres, ye que s’oya la voz de les muyeres.

Visto nel Facebook de Macarena Aguilar

Nel Estáu español, no que llevamos de pandemia manifestáronse:

Llabriegos.

Hosteleros.

Sanitarios.

Pensionistes

Los del barriu de Salamanca.
Los de la escuela alcordada.
Policíes.
Nazis homenaxando a la división azul.
Antifascistes pola llibertá d’espresión.
Ciudadanos y ciudadanes fartes de violencia policial.
Hebio manifestaciones entamaes por sindicatos.
Filu aparte merecen los negacionistes, que se manifiesten ca dos díes ensin denguna midida de proteición contra’l virus.
Los de Vox, que son como los negacionistes y manifestáronse tamién delles vegaes yá. La postrera, va dos díes, aprofitando’l día d’Andalucía para pidir daqué tan por demás urxente como’l fin de les autonomíes.
A lo último un llargu etcétera de coleutivos sobro los que nun s’oyó nin media. Y amás nun se xeneró dengún alderique mediáticu cuestionando’l so drechu a manifestase. Por casu coles manifestaciones a favor de la llibertá d’espresión púnxose’l focu sobro la “violencia” pero non sobro les manifestaciones en sí. O a los negacionistas enféase-yos el nun cumplir les midíes sanitaries, pero nun se diz res de que se manifiesten.
Sicasí lleven dando la turria dende va selmanes coles concentraciones del 8M.
Paez que son les úniques que fadien, les úniques qu’estorben, les úniques peligroses y susceptibles d’enfermar a la tola población somos les feministes coles nueses tarrecibles manifestaciones.
El machismu de tola vida púnxose’l traxe de responsabilidá ciudadana. Ye lo que tien, que sabe escoyer l’argumentu pa cada ocasión. Nunca ye bon momentu pa les nueses revindicaciones. Siempres somos una estorbisa, unes irresponsables o unes histériques.
Nun engañéis, el problema nun ye’l coronavirus, esa ye la escusa. El problema, como siempres, ye que s’oya la voz de les muyeres.

This work is licensed under a Creative Commons Attribution 4.0 International License.