• Portada
  • >
  • Sanidá
  • >
  • La inversión en sanidá n’Asturies medrará solo un 7%

La inversión en sanidá n’Asturies medrará solo un 7%

  • 2 Avientu, 2020

La xubida de los presupuestos xenerales va ser de cuasi’l 13%, un total de 502 millones más d’euros de los qu’una quinta parte van destinase a facer medrar la partida de sanidá

El Gobiernu, que pretende tener aprobáu’l presupuestu’l 30 d’avientu pa qu’entre a valir el 1 de xineru, cuenta col sofitu de los 20 diputaos socialistes y cuasi con total seguridá colos dos d’IX, grupu col que caltien un pautu de llexislatura, polo que solo precisaría d’un parllamentariu más pa poder sacar alantre les sos cuentes. Nun va tener problema, cuidao que amás del sofitu cuasi incondicional de Podemos, cuenta col sofitu, condicionáu al arrenunciu explicitu a la Oficialidá, apautáu con Ciudadanos.

La medría total del techu de gastu, que va algamar “el máximu posible” supon el 20%, pasando de los 4183 a los 5.237 millones d’euros, esto ye, 1054 millones más colos que faer frente a les necesidaes escepcionales d’esti exerciciu. El Principáu” va disponer, amás, de 34’5 millones qu’antes se destinaben al Salariu Social y qu’agora se lliberar pa otros usos.

L’aumentu del presupuestu destináu a la sanidá pública va ser de 102 millones d’euros, lo qu’implica una xubida del 7%, muncho menor que la de la media del presupuestu, cola que pretenden faer frente a la reencadarmación y dotación de medios a un sistema sanitariu que yá taba en condiciones d’emerxencia antes del entamu la pandemia, gracies en bona midía a los socesivos retayos aplicaos por anteriores gobiernos y al enclín a favorecer la privatización per parte de los mesmos.

P’Andecha Ástur, esti presupuestu nun respuende a les necesidaes reales de la sanidá asturiana, que non solo tien de siguir faciendo frente a una pandemia, sinón recuperar los retrasos y poner al día les llistes d’espera xeneraos n’otres patoloxíes,  llistes d’espera yá inasumibles anantes de l’anulación de consultes y ciruxíes por mor del covid-19- , perpetuando la baxa calidá de l’atención sanitaria. “En plena pandemia, y dempués de dexar la Sanidá Pública Asturiana ensin los recursos humanos y materiales precisos, el Principáu” plantega amontar la inversión en menos d’un 7%. ¿tan poco-yos importa la vida de les asturianes y asturianos?”.

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies