Xixón sigui esperando pola prometida beca comedor

  • 13 Abril, 2020

El Conceyu Xixón foi un de los primeros n’anunciar que la reciella que tien concedio la beca comedor diba recibir un sofitu de 120 euros pa garantizar l’alimentación de los rapacinos nos meses de marzu y abril, pero les families entá nun recibieron un euru

Los escolinos de les families más desfavorecies de Xixón pueden solicitar demientres el cursu l’asistencia de baldre al comedor escolar, un serviciu que, si bien ta de contino nel puntu de mira pola calidá de les comides qu’ufre, polo menos asegura que tola reciella reciba al menos una comida completa al díe. Col preslle de les escueles por mor del andanciu estes families viéronse, comu pasa tolos años peles vacaciones, ensin esi importante gabitu. La situación ye pior que nes temporaes non lleutives, porque al preslle del comedor súmase la baxada d’ingresos de la gran mayoría de les families y la xubía de precios de los productos de primer necesidá.

El conceyu Xixón reacionó aina a esta continxencia ya’l mesmu 16 de Marzu, namás 4 díes después del preslle de los cientros -cuando entá se cuntaba con un confinamientu muncho más curtiu- dábase la noticia de que se fadría a les families con beca comedor un ingresu de 120 euros pa cubrir los gastos d’alimentación de los menores. Les families con beca comedor recibiríen estes perres por defeutu, ensin falta de trámite previu, esceptuando la recoyida del númberu de cuenta n’aquelles que l’alministración nun cuntare con esi datu.

Quince díes más tardi les families recibieron un mensaxe informándoyos de que se yos reconocía esti drechu y pidiendo que se dieren d’alta nun formulariu por internet o por teléfono. Cuasi un mes dende la decisión de dar esta ayuda naide recibió la cantidá prometía, col consiguiente perxuiciu pa l’alimentación de la reciella. N’alministración dan rempuestes contraries, y mientres l’alcaldesa diz que ya s’entamaron los pagos, los encargaos direutos de los mesmos informen de que fasta que nun se xestionen tolos trámites de tolos beneficiarios nun s’entamará a pagar.

N’otros conceyos decidióse apurrir una tarxeta monederu pa pagar con ella nes tiendes d’alimentación, un sistema refugáu en Xixón por ser más llentu, seique garantiza’l fin que se da a les perres. Les tarxetes foron recibies poles families va más d’una semana.

Llucía F. Marqués

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies