El Grupu Epona ufre llibros de baldre demientres l’andanciu

  • 10 Abril, 2020

Grupu Epona quier apurrir el so gabitu pa qu’estos díes d’empreslle se faigan más llevaeros y pa ello ponen a llibre disposición delles de les sos obres, que puen descargase de baldre dende la so páxina web

Pa los adultos proponen la llectura del so volume “Poética de Muyeres 2014” nel que, con prólogu d’Helena Trexu Fombella, alcontramos poemes d’escritores asturianes dende nóveles a les más consagraes y dende l’estremu oriental al ocidental del país.

La reciella tien una llarga riestra d’opciones, ya que a los ocho cuentos que ya taben disponibles na so páxina (L’esguil músicu, El suañu la mazana, Yule , Los gatinos ecoloxistes, La xanina que deprendió andar en bicicleta, El magüestu, la xana y el trasgu, La casina trabayadora y El salgueru) amiéstase agora otros dos llibros: Llara quier ser astrónoma y Mitoloxía Asturiana pa la reciella. Toos ellos son obres d’Helena Trexu con illustraciones de Violeta Mateu y nellos, amás d’arruelu, los rapacinos y rapacines alcontrarán mensaxes de respetu al mediu ambiente, solidaridá, tolerancia y amor poles nueses tradiciones.

Dende la editorial esperen que la reciella unvíe de vuelta mensaxes y debuxos sobre los llibros que pueden mandar al so facebook,  encamentándoyos mui especialmente facer les actividaes del llibru “Mitoloxía pa la Reciella”, ufriendo un descuentu na posterior compra del llibru a quienes asina lo faigan.

El 18 d’Abril a les 12h podreis sentiles en direutu en FORMIENTU.
Redaición InfoAsturies

This work is licensed under a Creative Commons Attribution 4.0 International License.

1 Comment Already

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies