Desapaez d’Agrosiero el puestu del Conceyu Llocal Solidariu de Sieru

  • 7 Ochobre, 2019

L’Asamblea pola Paz de Sieru, fundadora del CLS, denuncia un boicó intencionáu sobro esta organización, que nació de la unión 93 asociaciones sierenses y ye un órganu consultivu del Conceyu de Sieru

Na pasada edición d’Agrosiero el Conseyu Llocal de Solidaridá perdió’l so espaciu, al negáse-y un stand municipal nel qu’informar de les sos propuestes y actividaes en redol a la paz, la soberanía alimenticia o la cooperación. Fasta esti añu respetárase l’alcuerdu d’aprovir un stand públicu pa esti organismu, siendo ésti atendíu por tiempos por toles asociaciones del conceyu participantes nel CSL, que teníen ende la oportunidá de dar a conocer les sos actividaes.

Esti agraviu súmase al preslle de la publicación “Sieru Solidariu”, a la minimización o inclusive desapaición de la partida de cooperación -llegando a nun aplicase’l presupuestu del 2018 pa esti fin, perdiéndose once proyectos de llucha contra la probeza- al espaciamientu de les xuntes del CLS, a l’anulación de l’asamblea añal d’asociaciones y al retrasu de la convocatoria 2019 del premiu Derechos Humanos”.

Pa l’Asamblea pola paz, trátase d’un actu de “violencia institucional” que yá fuera anunciada por el mesmu edil l’añu pasáu, cuando menació con un “¡nun sabeis quién soi yo!” a miembros del CSL.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies