Seique a nivel internacional el 28 de Xunu ye’l díe nel que se revindica’l respetu a la diversidá y a les estremaes identidaes y orientaciones sesuales, en Castrillón deciden alantrar la cellebración con una riestra d’actividaes que se cellebrarán dos díes anantes, permitiendo asina a les persones del conceyu que lo deseyen participar nelles y tamién nel restu d’actividaes que tendrán llugar esi díe n’otros conceyos.

A lo llargo la tardi delles meses informatives resolverán cualisquier duda alrodiu d’esta cuestión y a les 18:00 saldrá del Parque Raices Nuevu la “caminata pola diversidá” que percorrerá, inagurándolos, los 4 nuevos bancos d’arcu la vieya que, a semeyanza de los de la Escandalera, n’Uviéu, revindicarán el drechu a la diversidá tol añu. En cada bancu, llectures de poemes, mensaxes y manifiestos darán conteníu al actu. Darréu, a les 8, tendrá llugar el conciertu de “Silvidos y Gemidos” na Plaza d’Europa.

Nuria Prendes