Ante una denuncia d’esta triba el primer pasu ye facer una valoración mélica de la denunciante qu’abarque aspeutos físicos y síquicos y que permita evaluar l’algame de les agresiones ya, dáu’l casu, evitar que se lleve alantre una denuncia ensin fundamentu demostrable

Xixón ye’l conceyu que rexistra mayor númberu de denuncies: 35 agresiones sesuales y 210 denuncies de violencia de xéneru ye la ablucante cifra de casos qu’estudió el personal del Istitutu de Melecina llegal del partíu xudicial de Xixón en 2018. Uviéu va mui per detrás, con 120 casos de violencia nel llar y 24 valoraciones d’agresión sesual.

La trabayadora social ya el sicólogu del Istitutu de Melecina Llegal ascritos a la unidá de Xixón realizaron tamién  l’analís de catorce de secueles y agresiones d’abusos sesuales infantiles, diez periciales de custodies y réximen de visites, cuatro de viabilidá de custodia compartida, cinco evaluaciones sicopatolóxicas y dos indicadores de maltratu na reciella. Esta triba de casos tan agora mesmo paralizaos por vacante de la plaza de sicólogu, vacía dende entamu d’añu, lo que dexa ensin atender tolos procedimientos del equipu sicosocial.

La cifra de casos denunciaos de violencia machista contra la muyer nel llar, un total de 240,  caltiénse cuasi invariable respeutu al añu anterior.