• Portada
  • >
  • Cultura
  • >
  • Suburbia Ediciones espubliza Apuntes de pragmática populista de Xandru Fernández

Suburbia Ediciones espubliza Apuntes de pragmática populista de Xandru Fernández

  • 15 Xineru, 2019

Suburbia Ediciones inagura la so coleición d’ensayu, Ciños Sonoros, cola coleición d’artículos políticos  Apuntes de pragmática populista, de Xandru Fernández

Nestos ensayos y artículos d’opinión, espublizaos n’estramaos medios pente 2011 y 2018, Xandru Fernández repasa esos siete años de rexencia de Mariano Rajoy na xefatura del gobiernu d’España y les sos consecuencies pa la educación, la cultura y el mercáu llaboral. Les guerres culturales que se llibraron nesi períodu (y que siguen alitando), la ofensiva neolliberal contra l’Estáu del Bientar, la responsabilidá del PP na formación de les nueves mentalidaes d’estrema drecha y la nacencia y estancamientu de Podemos son dalgunos de les temes qu’enceta l’autor nestos testos, que’l so calter fragmentariu, como escribe Enrique del Tesu nel prólogu al llibru, «nun torga ufiertar al llector llínies de camientu y costancies reconocible. El trabayu de compilación y ordenación de los artículos facilita la percepción d’argumentos globales. Y el calter coyuntural, la delda que los artículos tienen cola actualidá del momentu, nun los convierte en perecederos, precisamente porque s’entorna nellos métodu y recursos intelectuales que la transcienden».

L’Autor, Xandru Fernández ye doctor en filosofía y profesor d’esa disciplina nun institutu d’enseñanza secundaria. La so obra lliteraria en llingua asturiana cunta con noveles como Les ruines (2004, tornada al español en 2014) y El príncipe derviche (2012) y llibros de relatos como Entierros de xente famoso (2008); tamién collabora como articulista en dellos medios.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies