Los fechos ocurrieron nel supermercáu DIA de la cai La Vega, en Mieres, cuando una de les trabayaores, con contratu especial por minusvalía, informó de la so baxa por enfermedá

Cuando la emplegada acudió a informar de la necesidá de coyer una baxa llaboral, foi despidía darréu. La empresaria alegó “falsedá” como motivu del despidu, con una carta na qu’ella mesma reconoz testualmente la improcedencia del mesmu.

El prósimu mes de Payares tendrá llugar el conceyu de conciliación pente les partes, nel que la emplegada y los responsables del DIA de la cai La Vega tratarán d’alcordar les condiciones del so despidu o realmisión, polo que hai convocáu un boicot pa presionar a la empresa a realmitila.

Ye preciso esclariar que los supermercaos DIA son una franquicia y les condiciones llaborales varíen algaya d’un a otru, polo que’l boicot lléndase a esti cientru concretu, ensin que tea d’afeutar a otros supermercaos de la mesma marca.

This work is licensed under a Creative Commons Attribution 4.0 International License.