Llimpieza voluntaria de la sablera Xagó

  • 13 Setembro, 2018

La Asociación Biodevas sumaráse esti sábadu a la convocatoria World Cleanup Day, díi mundial de la llimpieza del planeta, con una recoyía de residuos na sablera de Xagó

El díi 15, de magar les 16 hores, aportarán los voluntarios que quieran participar na recoyida de basoria d’esta sablera, especialmente perxudicada pola cantidá de residuos. Pa facilitar la organización, recomiéndase la iscripción previa na páxina web de los organizaores.

Con esta xornada de trabayu, Biodevas, asociación creada por y pa persones non espertes en temes medioambientales pero esmolecios pola natura y que quieren aportar el so granín a la meyora de la mesma, non solo pretenden dexar llimpiu esti espaciu natural, sinon sobremanera llamar l’atención sobre’l llaceriosu estáu nel que s’alcuentra esta y otres sableres d’Asturies, reclamando asina una actuación de les alministraciones y la contratación d’un grupu de llimpieza que faiga periodicamente esti trabayu. Tamién se quier concienciar a la población pa que seyan responsables cola so xestión de la basoria, torgando que se den casos como esti.

L’añu pasáu ya se fizo una llimpieza voluntaria a fondu d’esta mesma sablera, y nel 2014 y 2015 otres dos a cargu del Uviéu Moderno y del Grupu Scout Caph, pero los efeutos duraron pocu y faese necesario repetir el procesu, polo que ta nidio que estes llimpieces voluntaries nun son una solución a llargu plazu. La falta de retirada de les basories de l’aria recreativa, la presencia de perros sueltos que rompen les bolses y l’ausencia d’equipos de control y llimpieza son los principales causantes del estáu de la sablera.

La mesma situación vémosla n’abondes aries naturales de tol país: seique los ciudadanos depositen les basories nos contenedores habilitaos pa ellos, la falta de recoyida fae que s’acumulen y espardan los residuos. Na semeya, contenedores en Puente d’Arcu, al pie del ríu Nalón.

 

Llucía F. Marqués

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies