Dellos coleutivos comprometios col espardimientu de la música ya’l baille’l país ponen en marcha’l campus braniegu “Tradicionando”

Un centenar de rapacinos d’entre 6 y 18 años podrá esfrutar demientres tol mes de Xunetu, en Xixón, d’un Campus de Branu cientrau na nuesa tradición, dafechu de baldre. Les actividaes sedrán nel C.P. Xovellanos de Xixón, peles mañanes de 11 a 13 y de tardi de 18 a 20.

Tradicionando ufre una bona riestra d’actividaes prestoses: talleres musicales, visites guiaes, conciertos y charres, tou ello col gabitu de la Banda Gaites Villa de Xixón y la Banda Infantil Magüetu.

Tolos que quieran participar, pueden facelo iscribiéndose a traviés del formulariu qu’alcontrarán na páxina ueb y les places concederánse por orde d’iscripción.

Llucía F. Marqués

This work is licensed under a Creative Commons Attribution 4.0 International License.