Repítese la presencia d’agües fecales na sablera de San Llorienzu,

  • 5 Xuño, 2018
Más de venti persones carecieron problemes de piel y gastrointestinales dempués del anterior episodiu de contaminación

Por segunda vegada en menos de diez díes, ayer tardi les agües de San Llorienzu tornaron a apaecer teñies d’escrementos. Los analisis del agua tres de los arramaos revelaron la presencia de bacteries fecales, como esterococos estantinales y eschericia coli (e-coli).
La ruptura d’un coleutor o el rebose por mor de la muncha lluvia son les dos hipótesis que se trabayen pa desplicar l’orixe d’estes manches, que non solo se perciben visualmente, sinon de manera olfativa, faciendo dificilmente transitable’l Muriu de San Llorienzu, un de los llugares más emblemáticos y paseaos de tou Xixón. A diferencia de lo ocurrío los díes 26 y 27, güei si que se puso la bandera encarnao en tola sablera, torgando que se repitan casos d’infeciones como les carecíes polos bañistes qu’entraron na mar nel casu anterior.
Pa una ciodá que cientra la so economía nel turismu, desdexando prauticamente cualisquier otru seutor económicu, teniendo la so costa como principal valor, y que presume d’ecolóxica y caltenible, estos arramaos fecales son un desastre a tolos niveles, más cuando van xuníos a un aire cuasique irrespirable por mor de la contaminación, a esporádiques ñubes de carbón procedentes de El Musel y a restos prietos nel sable, vinientes en teoría de pretéritos naufraxos.
Llucía F. Marqués

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies