Los organizadores tan devolviendo les cuotes d’inscripción a los participantes , analizando les xides que ponen pa esta prohibición y estudiando aiciones pa denunciar lo que yos paez, de man, “una decisión arbitraria de la Delegación del Gobiernu n’Asturies.”
A namás cuatro díes de la cellebración de la prueba esportiva y xusto cuando los organizadores decidieren ampliar el plazu p’apuntase a la mesma, la Delegación del Gobiernu bien d’unviar una notificación pola que se deniega’l permisu pa que’l sábadu se corra en defensa del asturianu.
El motivu alegáu ye la falta de disponibilidá de la guardia civil de tráficu p’atender la preba, al coincidir esta cola Media Maratón de Trubia y col Rallie Montaña Central, añadiendo que la Carrera pola Oficialidá nun tan el calendariu apurríu polos clus esportivos a la Xefatura de tráficu, motivos ambos que nun paecen abondos pa torgar la preba y qu’en cualesquier casu nun xustifiquen el fechu d’esperar al postrer intre pa informar de la denegación.
Los organizaores darán orde de devolución de les cuotes d’inscripción a tolos apuntaos a la preba y tan calibrando les aiciones a tomar de magar esta decisión de la Delegación del gobiernu.
Llucía F. Marqués
This work is licensed under a Creative Commons Attribution 4.0 International License.