En protesta pola asistencia de l’Alcaldesa a la bendición añal de les agües

L’asociación Asturias Laica convoca una concentración el xueves, a les 13 hores, coincidiendo cola bendición de les agües para denunciar la participación de Carmen Moriyón, alcaldesa de Xixón, a esti actu relixosu que se celebra cada añu por cuenta de la festividá de San Pedro.

El presidente de la entidá, José Luis Iglesias, nuna rueda de prensa acusó a l’alcaldesa de tener un “comportamientu antidemocráticu” por nun faer casu al alcuerdu plenariu en virtú de cual el Conceyu pasaba a incorporase a la rede de conceyos laicos, lo qu’implicaría una “ofiensa a la totalidá de la ciudadanía”.

This work is licensed under a Creative Commons Attribution 4.0 International License.