La Casa Conceyu Bimenes aborda les obres del colexu ante la falta de rempuesta de la Conseyería d’Educación

Nos caberos tiempos el C.P. Martimporra, en Bimenes hai abondes novedaes: suelos de maera nes aules d’infantil, calderes y grifería que furrulen perfechamente, lo mesmo que l’allumáu, pistes ya equipación deportiva en condiciones –por fin ensin goteres-, estintores seguros, puertes y valles iguaes, canalones y teyaos llimpios… l’anovación de la istalación lléutrica ta esperando a les vacaciones escolares, pero tamién ta planificada. Podríemos dicir, en resume, que’l colexu bien de pasar una revisión fondera de les sos istalaciones y que los escolinos tan pocu menos que d’estrenu.

Toes estes obres salieron alantre de la man d’Aitor García (na semeya reclamando fondos pa les reparaciones) un alcalde fartucu, comu los pás y mas del conceyu, d’esperar poles perres de la Conseyería pa meyorar les condiciones del colexu. Dende l’Ayuntamientu tamién tan trabayando pa facilitar que tolos neños y neñes puean acceder a comedor y tresporte escolar.

Sicasí, sigui quedando daqué pendiente: la fachada presenta deficiencies de les que la conseyería nun se fai cargu, asina que sedrá de nueu la Casa  Conceyu la qu’afronte’l coste, nuevamente de les reparaciones.

Llucía F. Marqués

This work is licensed under a Creative Commons Attribution 4.0 International License.