La tirada ye de 350.000 exemplares

Dientru del proyectu “12 meses, 12 sellos” de Correos foi editáu un sellu que recueye dellos temes nacionales como’l Picu Urriellu, la ponte de Cangues d’Onís, la estatua de Don Pelayu, les madreñes o la sidra.

Precisamente esa sobrocarga de tipismu y la falta de respetu a la toponimia asturiana -“Asturias” en cuentes de “Asturies”-, por nun mencionar que sigue siendo un sellu d’España, cuando n’Asturies tenemos el precedente del Conseyu Soberanu qu’emitió los sos propios sellos postales, ta siendo terriamente criticao dende l’asturianismu políticu y cultural que ve nelli una auténtica espresión de provincianismu.

El sellu foi presentáu na oficina de Correo en Cangues d’Onís, cuntando l’actu cola presencia d’Ángel Iglesias, el presidente de la Federación Asturiana de Sociedaes Filatéliques.

This work is licensed under a Creative Commons Attribution 4.0 International License.