Los sistemes de seguridá de la compañía vuelven fallar

Les bateríes de coque d’Arcelor vuelven a ser noticia. La campana númberu 4 de los fornos dexó de funcionar por un fallu ellectrónicu, y la consecuencia foi una xigantesca nube negra que cubrió tol parque empresarial d’Avilés.

La multinacional afirma que “nun se produció una emisión de gases” como la del pasáu 24 d’abril, y tamién aseguró que “nun ye habitual” que se produza un fallu d’esti tipu nes campanes d’aspiración.

Sicasí nin ye la primer vegada que les instalaciones d’Arcelor xeneren nubes contaminantes, nin que la compañía manifiesta que foi un fallu accidental.

This work is licensed under a Creative Commons Attribution 4.0 International License.