Nel primer trimestre recibiéronse 250.000 solicitúes, un 26% más que nel añu anterior

El ministru d’Asuntos Esteriores de la República d’Irlanda, Charlie Flanagan, informó d’una medría notable nes solicitúes de pasaporte irlandés dende’l referéndum de la salida de Reinu Uníu de la UE y suponen qu’en 2017 podríen superar el millón de pidimientos.

La variación ye especialmente significativa ente los solicitantes de los nacíos en Gran Bretaña con un aumentu del 69 per cientu, a los qu’hai que sumar los solicitantes del Norte d’Irlanda, que tamién aumentaron nun 68 per cientu.

Col llogru del pasaporte irlandés, los ciudadanos británicos busquen evitar cualquier torga a la hora de trabayar o viaxar a estaos miembros de la Unión Europea.

Amás l’Alcuerdu de Vienres Santu de 1998 prevía que los 1,8 millones de vecinos norirlandeses pudieren solicitar la ciudadanía irlandesa.

This work is licensed under a Creative Commons Attribution 4.0 International License.