La decisión foi consensuada ente los principales partíos políticos del territoriu

El 2 d’abril nun aconceyamientu de dirixentes del Partíu Democráticu del Kurdistán (PDK) y de la Unión Patriótica del Kurdistán (PUK), les dos principales fuercies polítiques del Kurdistán iraquí, foi decidida la convocatoria d’un referéndum pa que’l so pueblu decida si quier permanecer integráu nel Estáu iraquí o constituyir un estáu propiu ya independiente. Nel alcuentru tamién participó Masud Barzani, el presidente del actual gobiernu autónomu del territoriu.

Mientres los caberos años les rellaciones ente’l Kurdistán iraquí y el Gobiernu chií de Bagdad nun dexaron d’enterriase por mor del control de los xacimientos de petroleu esistentes nel territoriu y la xestión de los ingresos derivaos.

This work is licensed under a Creative Commons Attribution 4.0 International License.