Cualisquier viaxeru venceyáu col BDS va tar vetáu

Esti llunes el Parllamentu d’Israel aprobó una nueva enmienda a la llei migratoria, a iniciativa del Gobiernu del centro-derechiegu Likud, que preside Benjamín Netanyahu, con 46 votos a favor y 28 en contra.

Esta midida implica unes condiciones tovía más restrictives que les yá esistentes pa la entrada de visitantes estranxeros al territoriu que controla l’Estáu d’Israel. Asina tou estranxeru rellacionáu col movimientu internacional de Boicó, Desinversión y Sanciones (BDS) pola so política escontra’l pueblu palestín, que participara dalguna vegada nel pasáu en dalguna actividá de protesta allegada a esti movimientu, yá seya de tipu económicu, social o cultural, va ser vetáu.

This work is licensed under a Creative Commons Attribution 4.0 International License.