La UNESCO otorga’l títulu nun momentu clave, yá que podría frenar el proyectu de reordenación forestal del fayéu de Peloñ
Tres el Conceyu Abiertu’l pasáu llunes n’Indonesia del Conseyu Internacional de Coordinación del Programa de la Unesco sobro l’Home y la Biosfera (MAB) anuncióse la declaración de 22 nueves reserves de la biosfera, ente elles la de Ponga, sumando asina un total de 686 reserves partíes en 122 países. Esti títulu apurre un mayor control y protección tanto a la fauna y flora como a la población d’estes zones.
De la reserva de Ponga destaca la so escasa población, con namás 623 habitantes depués de la cayida de 27 nos postreros trés años, y la bayura d’especies en peligru d’estinción, como l’osu pardu, el gallu montés, el llobu gris y l’águila real, asina comu polos sos montes d’abidurios, fayes, humeros, fresnos, castañales, carbayos y ablanales.
Precisamente la CEA llanzaba apocayá l’alerta sobro un d’estos montes, el fayéu de Peloño, pol proyeutu d’ordenación forestal plantegáu pol “Principado” nel que proponen aumentar la zones de baltes y pación, abriendo inclusive la opción d’usar fueu controláu, una decisión que sospriende cuando la necesidá de más praos de pación, dáu la poca población y l’escasa ganadería, ye más bien dudosa.
Ye d’esperar qu’esti nuevu títulu, que vien sumase a los de Zona Especial de Conservación Ponga-Amieva, Zona d’Especial Proteición pa les Aves Ponga-Amieva y Parque Natural de Ponga, ayude a protexer esti y otros espacios.
Llucía F. Marqués
This work is licensed under a Creative Commons Attribution 4.0 International License.
