Puxen pa que l’aerollínea noruega Norwegian rectifique y presente a esta poetisa como “galician author”
La compañía Norwegian tien la costume de dedicar dalgunos de los sos aviones a homenaxear y recordar a personaxes hestóricos del país nórdicu, pero tamién d’otros llugares del mundiu. Dientro d’esta llínea de divulgación cultural apocayá anunciaron qu’a partir d’esti mes de marzu l’estabilizador vertical (o cola) d’un avión Boeing 737-800, con destinos como Canaries ya estremaos aeropuertos del Mediterráneu, va ostentar la imaxe de la más importante poetisa de la lliteratura gallega, Rosalía de Castro (1837-1885).
Pero’l fechu de que la so imaxe vaya a ser acompañada de la lleenda “spanish author” motivó’l malestar de la organización Causa Galiza, que recordó que acullá de la so dimensión puramente lliteraria Rosalía de Castru tuvo comprometida cola “construcción y emancipación nacional de Galicia”, pero tamién del Bloque Nacionalista Galego, qu’empecipió una campaña #RosalíaÉGalega de recoyida de robles col fin de reivindicar un cambiu de rótulu a l’aerollínea noruega.
This work is licensed under a Creative Commons Attribution 4.0 International License.
