Dientru les actividades del mes de la bici, Daniel de la Cuesta fadrá de guía peles cais de Xixón dedicaes a aquelles presones qu’en so díi trabayaron en defensa de la nuesa llingua

Pachín de Melás, Mánfer de la Llera y munchos otros personaxes  dirán pasando pela música ya’l humor de Dani, que treslladará a los bicicletistes dellos plizcos d’hestoria y un esbozu de lo que vien siendo la llucha llingüística asturiana nos caberos sieglos.

Esti viaxe músico/lliterario sobro ruedes ensiértase dientru les actividades que, demientres tol mes d’abril, entama Xixón en bici, dientro del programa internacional “Trenta díis en bici”, col que ca primavera s’afala a la población a utilizar les bicicletes comu mediu de tresporte y ociu.

La cita ye abierta a tolos que quieran participar nesta escursión en bicicleta, el xueves 12 d’abril, a les siete y media na Plazuela San Miguel (Xixón).

Nuria Prendes

This work is licensed under a Creative Commons Attribution 4.0 International License.