La Universidá d’Uviéu nun cubre les necesidades de los estudiantes asturianos

  • 05/02/2018

Periodismu, Ciencies de la Actividá Física ya’l esporte, Melecina, Belles Artes, Arquitectura, Farmacia, Comunicación Audiovisual, Enfermería, Albeitre, Arquiteutura, Torna ya Interpretación, Publicidá y Relaciones Públiques Drechu ya Inxeniería Aeroespacial … estes son les principales titulaciones pa les que la Universidá asturiana nun tien rempuesta

Ya seya por nun cuntar coles  carreres o pola escasez de places, bona parte de los estudiantes que, teniendo aprebao la EBAU, quieren aceder a determinaos estudios tienen que colar del país.  Pente les titulaciones más demandaes por estudiantes que tienen que cursales n’otres Universidaes figuren 54 graos que formen parte de la ufierta académica de la Universidá d’Uviéu, pero ensin les places necesaries.

L’analís d’Andecha Astur ante esta situación ye que esti ye ún más de los factores que fuercien la salida de la mocedá asturiana al estranxeru “La Universidá d’Uviéu tien que dar rempuesta a les demandes de los universitarios asturianos y nun obligalos a emigrar.”

Más de mil universitarios colaron d’Asturies pa estudiar una carrera nel caberu cursu. Munchos nun tornarán. De siguir na situación na que tamos, de los que se queden a estudiar n’Asturies,  ventitres de cada cien  colarán después pa poder trabayar nes sos especialidaes, un de cada 4 tará en paru ya’l 29 % desendolcará trabayos pa los que ta sobrecualificáu con tal de nun colar del país. En resume, un escasu 23 % de los que nun colaron a estudiar fuera alcontrarán un puestu de trabayu en condiciones dientro d’Asturies.

Nuria Prendes

Comparti esta noticia

This work is licensed under a Creative Commons Attribution 4.0 International License.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

InfoAsturies

noticies d'Asturies
n'asturianu

Actualidá de los conceyos, llingua, cultura, economía, mediu ambiente y derechos sociales.

Quién somos y llinia editorial

Esti sitiu utiliza cookies. Consulta la política de cookies pa conocer los sos usos.

ACEPTAR
Aviso de cookies