Españaron la manifestación añal con palos y barres de fierro énte la escasa actividá policial
La manifestación añal de la Comissió 9 d’Ochobre nun pudo desendolcase con normalidá por mor de l’acción de grupos ultraderechistes supuestamente desafranaos, pero que dende hai años actúen en Valencia con total impunidá.
Les primeres agresiones foron aniciaes yá enantes de les cinco de la tarde nel mesmu llugar de salida de la manifestación. Unes escases unidaes de la UIP ficieron actu de presencia y con escesiva tranquilidá separtaron llixeramente a los ultres de la manifestación. Los fascistes, pertenecientes a organizaciones anticatalanes y ultres del Valencia CF, portaben banderes españoles y símbolos nazis, xunto con palos y barres de fierro qu’en nengún momentu foron requisados pola policía.
Les quexes de los organizadores a los mandos policiales foron inútiles, y los grupos ultres pudieron realizar una manifestación paralela a escasa distancia. Esta situación favoreció nueves agresiones n’aquellos llugares onde nun taba presente la policía.
This work is licensed under a Creative Commons Attribution 4.0 International License.