Asturies reduz drásticamente la inversión en I+D

  • 03/09/2017

Dende l’entamu de l’actual recesión económica l’aportación asturiana a la investigación cayó un 26%, partiendo ya de niveles previos llaceriosamente baxos

La inversión asturiana n’investigación y desendolcu ta nel so nivel más baxu de los caberos doce años, rexistrando la so mayor cayida nel añu 2015, añu nel que foi más bruscu’l retrocesu  d’inversión n’investigación y reculando de magar entos

El repliegue del conxuntu de la inversión empresarial xúnese a los recortes presupuestarios nes Alministraciones pa debuxar un murniu escenariu nel que, pesia a l’actividá desendolcada poles multinacionales Arcelor y Thyssenkrupp (que son les que más invierten nestos campos), la investigación sigui cayendo.

La I+D (Investigación y Desendolcu) considérase un pegollu del progresu económicu y social de cualisquier país, siendo asina que’l mapa européu de la I+D coincide bultablemente col de la riqueza, coincidiendo les rexones de mayor apueste económicu pola investigación con aquelles de mayor PIB.

Nel casu asturianu esti desdexamientu ye entá más grave por mor de lo relevante del sector industrial na nuesa economía, yá que se trata d’un sector enforma influyenciáu polos avances teunolóxicos derivaos de la investigación.

Llucía F. Marqués

Comparti esta noticia

This work is licensed under a Creative Commons Attribution 4.0 International License.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

InfoAsturies

noticies d'Asturies
n'asturianu

Actualidá de los conceyos, llingua, cultura, economía, mediu ambiente y derechos sociales.

Quién somos y llinia editorial

Esti sitiu utiliza cookies. Consulta la política de cookies pa conocer los sos usos.

ACEPTAR
Aviso de cookies