Va dirixir la espansión de la empresa n’Hispanoamérica mientres los vinientes cinco años

Dempués de 7 años trabayando nel enseñu y otros 34 dedicáu a la política profesional nos más estremaos cargos, incluyíos la presidencia del gobiernu asturianu (1993-1995) o la delegación del gobiernu español n’Asturies (2004-2011), Antonio Trevín, que la selmana pasada dimitió como diputáu nel Congresu madrilanu por desalcuerdos políticos con Pedro Sánchez, yá tien clarificáu’l so nuevu destín llaboral.

El so íntimu amigu, l’empresariu Macario Fernández, presidente executivu d’Asturiana de Laminados (ASLA), a pesar de l’absoluta falta d’esperiencia de Trevín nel sector, tien decidíu confiar n’él pa dirixir la espansión de la empresa pelos países hispanoamericanos.

This work is licensed under a Creative Commons Attribution 4.0 International License.