María D. G. foi vista per última vegada na tarde-nueche del sábadu 1 d’agostu na cai Cava Baja, en La Pola, conceyu de Ḷḷena. Pídese la collaboración ciudadana pa facilitar cualquier información que pueda ayudar a localizala
Foi denunciada la desapaición de María D. G., una muyer de 41 años de la que nun se tienen noticies dende la tarde-nueche d’ayeri, sábadu 1 d’agostu, na localidá de La Pola.
Según la información difundida, María foi vista per última vegada ente les 20:30 y les 21:00 hores na cai Cava Baja. Nel momentu de la desapaición llevaba puesta la mesma ropa cola qu’apaez na semeya compartida pa facilitar la so identificación: pantalón vaqueru y una camiseta prieta.
La denuncia activó la busca y l’avisu a la población, cola esperanza de que dalguna persona pudiera vela o disponga d’información sobre los sos movimientos dempués de la hora na que se-y perdió la pista.
Pídese prestar especial atención tanto na zona de La Pola como nos espacios y carreteres de los alredores. Cualquier datu, por pequeñu que pueda paecer, podría resultar importante pa reconstruyir el percorríu de la muyer y facilitar la so localización.
Les persones que tengan información que pueda ayudar na busca tienen de ponese en contautu darréu cola Guardia Civil. Tamién se solicita evitar la difusión de rumores o datos ensin confirmar que puedan dificultar les investigaciones o causar más preocupación a la familia.
This work is licensed under a Creative Commons Attribution 4.0 International License.
