Del facebook de Desfalko Público

Cinco muertos en Zarréu. Y mentanto, na mina de Miura, trabayadores acumulando meses ensin cobrar baxo la xestión del mesmu entorno empresarial. Dos realidaes estremaes, un mesmu patrón.
Y nel mediu, l’alministración.

Porque equí nun falamos d’un fallu puntual. Falamos d’una estructura pública qu’autoriza, supervisa, subvenciona y controla… pero nun corrixe a tiempu. Conseyeríes que firmen espedientes, servicios técnicos que validen, inspecciones que tendríen d’actuar, conceyos que conceden llicencies y organismos que reparten ayudes.

Too en marcha. Too activo. Y sicasí: en Zarréu, una traxedia; en Miura, diez meses ensin pagar.

Eso nun ye casualidá. Eso ye falta de control sostenida.

La entruga yá nun ye solo qué pasó en Zarréu. La entruga ye: ¿cómo ye posible qu’un mesmu alministrador o entornu empresarial tenga una esplotación onde asocede una traxedia y otra onde los trabayadores lleven meses ensin cobrar… ensin qu’esista una intervención contundente de l’alministración?

Nel entornu de Zarréu y la mina de Miura (Ibias) les coincidencies de nomes y cargos que sí se repiten son: Adrián Rodríguez, empresariu venceyáu a la xestión reciente en Zarréu al traviés de sociedaes como Blue Solving; cargu: dirección / xestión empresarial. Jesús Manuel Rodríguez, rellacionáu cola esplotación de la mina de Miura (Carbones de la Vega) col cargu d’alministrador de la sociedá minera. La clave nun ye solo’l nome, ye’l venceyu: familia directa nes dos esplotaciones.

Nestos casos l’alministración nun ta pa enterase tarde. Ta pa prevenir.

Y equí lo que vemos ye lo contrario: actividá que sigue furrulando, espedientes qu’avancen, ayudes que se caltienen, problemes llaborales que s’enquisten … hasta que’l problema españe o seya imposible d’esconder.

Nun fai falta acusar pa ver el patrón. Ta a la vista:
Zarréu: muertos.
Miura: impagos prolongaos.
Alministración: presente en tolos niveles, pero ausente nel momentu clave.

Y eso ye lo más grave. Porque cuando un sistema tien toles ferramientes p’actuar y nun lo fai, dexa de ser un error puntual. Pasa a ser un fallu estructural. Y esi fallu nun solo xestiona mal, tamién permite que los problemes medren… hasta que daquién paga’l preciu.

Principáu d’Asturies Comisión Europea Grupu Parlamentariu Socialista Asturies Conseyería de Movilidá, Mediu Ambiente y Xestión d’Emerxencies Axenda 2030 – Gobiernu d’España, Conceyu d’Ibias, Podemos Asturies, Izquierda Xunida, Partíu Popular d’Asturies, Puertu El Musel, Conseyería d’Economía, Facienda y Fondos Europeos, CCOO d’Asturies, UXT Enseñanza Asturies, Ministeriu de Facienda y Economía, Axencia Nacional de Minería.

Equí los mencionaos son les manes que vieron cómo’l carbón salió, importóse, facturóse y cobróse. Eso sedría una investigación de verdá.