Resist.es llanza una campaña de firmes pa reclamar el pagu darréu a los mineros de Tormaleo  y depurar responsabilidaes ante una situación que podría constituyir una presunta estafa llaboral

Nun ye una nómina que llega tarde.
Ye más d’un añu d’abandonu a trabayadores y families enteres. Na mina Miura, en Tormaleo (Ibias, Asturies), alredor de 50 mineros carecen impagos dende abril de 2025: débense-yos 10 nómines y 2 pagues estraordinaries. En xunu de 2025 dexaron de cobrar dafechu, n’agostu de 2025 paralizóse l’actividá y el 23 d’abril entamaron un zarru pa desixir daqué tan básico como cobrar por trabayar.

Dempués de dos selmanes baxu tierra, siguen ensin recibir rempuesta nin solución al so conflictu por parte de Fernando Martínez Blanco, qu’adquirió la explotación a Jesús Rodríguez Morán cuando ya existía deuda colos trabayadores, ensin que se cumplieren les promeses de pagos nin se reanudare la esplotacion dende’l momentu de la compra.

Poro, dende la recoyida de firmes en Resist.es reclámase a los responsables de Mina Miura y a les administraciones competentes que garanticen el pagu darréu y dafechu de toles nómines adeudaes y que se depuren responsabilidades ante una situación que afecta a decenes de trabayadores y les sos families. Fasta’l intre la petición ya supera les dos mil robles.  

This work is licensed under a Creative Commons Attribution 4.0 International License.