La cultura sidrera consolídase cada vegada más como ún de los principales atractivos turísticos d’Asturies, al convertir en esperiencia pa visitantes un conxuntu de valores venceyaos a la tradición, la gastronomía, el paisaxe y la hospitalidá asturiana.

Nos últimos años medró de forma notable l’interés poles visites a llagares, les rutes de la sidra, les tasties especializaes, les espiches organizaes y los eventos venceyaos al calendariu sidreru. El públicu busca cada vez más propuestes auténtiques, venceyaes al territoriu y a la identidá local.

La nueva publicación impulsada pola Fundación Asturies XXI destaca precisamente esi papel de la sidra como ferramienta estratéxica pa un turismu sostenible y de calidá. La espublización cunta col sofitu de la Conseyería de Cultura, Política Llingüística y Deporte.

Profesionales del sector recuerden que la sidra permite amosar una imaxe completa d’Asturies: el campu y la villa, la tradición y la innovación, la cultura popular y la excelencia gastronómica. La reconocencia UNESCO dio, amás, una mayor visibilidá internacional a esti recursu.

This work is licensed under a Creative Commons Attribution 4.0 International License.