El músicu Franky Med presentó esti díes el so postrer trabayu, Tan cerca del cielu, un proyeutu nel qu’Asturies conviértese n’escenariu emocional y simbólicu. L’artista reconoz que’l discu ye una especie d’homenaxe personal a una tierra que describe como “fonte constante d’inspiración, calma y contradicción”.
L’álbum percorre estremaoos rexistros sonoros, con pieces íntimes y atmósferes curiaes, onde la naturaleza, el paisaxe y la memoria xueguen un papel central. Nel rellatu qu’acompaña al llanzamientu, Med destaca que munches de les composiciones nacieron dempués d’estancies n’Asturies, venceyando vivencies personales con imáxenes del mar, la montaña y los pueblos.
Acullá de lo musical, Tan cerca del cielu plantega una mirada reflexiva sobre la pertenencia y l’arraigu. Nun se trata d’un discu descriptivu, sinón d’una interpretación emocional del territoriu, onde Asturies apaez como un espaciu de refugiu, silenciu y realcuentru.
Esti trabayu súmase a una corriente d’artistes que, dende distintos xéneros, tomen Asturies como referente creativu, reforzando la so imaxe como territoriu culturalmente fértil y con capacidá d’atrayer proyeutos artísticos dende fuera.
El discu yá ta disponible nes principales plataformes dixitales, y l’artista nun descarta presentar el proyeutu en direutu n’Asturies, dalgo que podría concretase nos próximos meses.
This work is licensed under a Creative Commons Attribution 4.0 International License.
