Garrao del facebook de Grava Marge

Nun hai grupos de miles de muyeres en Telegram compartiendo los packs de semeyes los sos novios, maríos o espareyes.
Nun vi a muyeres xuntándose en manada p’abusar sesualmente d’un home y depués compartir el videu de la so “fazaña” coles sos amigues.
Nun vi muyeres convidando a otres muyeres a violar al so maríu, na so propia casa mientres una década.
Nun hai muyeres nel tresporte públicu o nos centros comerciales grabando ensin consentimientu les partes íntimes de los homes.
Nun hai muyeres masturbándose nel tresporte públicu.
Nun hai vagones namás pa homes nel metro porque sufran agresiones constantes per parte de les muyeres.
Nun hai aplicaciones d’’home seguru’ pa pidir auxiliu nel casu de que una muyer lu tea acosando.
Nun hai tasis azules namás pa homes pa evitar que seyan secuestraos, abusaos y asesinaos por muyeres conductores.

Nun esiste’l conceutu “masculinicidiu” que defina l’asesinatu sistemáticu d’homes a manes de les sos pareyes muyeres depués de que quieran separase o por nun sometese al so control. Nun lo hai porque eso nun esiste.
Nun hai neños siendo obligaos a casase con muyeres mayores.
Nun hai neños siendo mutilaos de los sos xenitales pa que nun esperimenten placer sesual y nun puedan ser infieles a les sos futures esposes.
Nun hai una deep web na que interaccionen miles de muyeres compartiendo pornografía infantil.
Residencies d’ancianos, guarderíes y tanatorios nun prefieren contratar homes porque haya más propensión de les muyeres a violar muyeres mayores, neños o cadabres.
Nun veo a muyeres hostigando con pallabres llascives a homes na cai.
Nun hai homes perdiendo espacios y medayes nes competiciones deportives por muyeres que s’autoperciben homes.
Nun hai homes perdiendo espacios políticos por muyeres que proclamen ser homes.
Nun veo a homes precarizaos xestando bebés pa la so venta.
Nun veo a homes siendo esplotaos nos prostíbulos, na pornografía o siendo víctimes de trata con fines sesuales pa complacer a muyeres.
Nun veo a muyeres llegando del trabayu esixiéndo-y al home, que tamién vien de trabayar, que l’atienda, sirva de comer y se faiga cargu de los neños mientres ella ve telenoveles.
Y podríamos siguir con decenes d’exemplos.
Nel casu de la sicopatía narcisista, tolos espertos coinciden en que la prevalencia ye d’ocho a dos. Ye dicir, de cada 10 psicópates integraos, ocho son homes y dos muyeres. Numberosos estudios confirmen que hai una predisposición, por cuestiones tanto xenétiques como hormonales y de fisioloxía cerebral, de los homes escontra la violencia, mui perriba de les muyeres.

Entós, ¿la violencia nun tien xéneru?

This work is licensed under a Creative Commons Attribution 4.0 International License.