Una riestra d’alderiques alrodiu la sidre, cientraos nos temes d’identidá, retos pal futuru y, como non, turismu, van tener llugar nel Muséu la Sidre d’Asturies comu única cellebración anunciada pa una fecha que tendría de ser emblemática pa tolos asturianos
Va un añu que festexábemos -tampocu tanto comu se merecía- la declaración de la Sidre comu Padremuñu Universal de la Humanidá por parte de la UNESCO, un llogru llargamente perseguíu y que prometía implicar un anantes y un depués na situación del sector sidreru, menaciáu pola competencia cervecera, amenorgáu pola perda de mocedá y por tanto de consumidores potenciales, en pelligru pola baxa rentabilidá y abandonu de les sos pumaraes. Adrián Barbón prometía entos grandes avances, especialmente dirixios a sofitar a los collecheros y aprofitar la coyuntura pa atrayer más turismu.
Un añu depués, escluyendo la creación d’una mesa d’alderique y dalgunos esfuercios nel campu turísticu, comu la mayor presencia de la sidre en feries y campañes, la situación vien ser la mesma y ya naide espera grandes xeitos que sescudan el panorama.
Comu ñiciu d’esta falta d’interés, l’aniversariu aporta güei ensin que s’anuncie dengún actu oficial, folixa o cellebración, más allá d’una xornada de charres que tien llugar esta mañana nel Muséu de la Sidre, malpenes anunciao con dos díes d’antelación y que, por cierto, nun cuenta con dengún representante de los pumareros pente los participantes nos alderiques.
Nel Dos Santos
This work is licensed under a Creative Commons Attribution 4.0 International License.
