Entantu la crisis de la vivienda pon a miles d’asturianos na coyuntura de tener qu’escoyer pente compartir casa, vivir colos pas o dedicar más de la metá del so sueldu a pagar un alquiler, cientos de cases asturianes pasen a manes de foriatos con mayor capacidá alquisitiva
La compra de viviendes por parte d’estranxeros disparóse n’Asturies, que se coloca ente les primeres comunidaes del Estáu nesti tipu d’operaciones. Según los datos del Conseyu Xeneral del Notariáu, nel primer semestre d’esti añu rexistráronse 998 compravendes de viviendes llibres protagonizaes por compradores d’otros países -ensin cuntar españoles- lo que supón un aumentu del 30% con al respeutu al mesmu periodu del añu anterior y seis vegaes más que les cifraes de 2016, primer añu d’esta estadística.
Nun falamos de foriatos que vienen a Asturies dende países en piores condiciones pa facer una vida y trabayar n’Asturies, falamos d’especuladores, inversores, trabayadores a distancia y persones a la gueta d’una segunda vivienda. Si n’otres dómines predominaben los xubilaos que buscaben un llugar onde retirase, agora trátase de xente más mozo, atraída por un estilu de vida qu’Asturies yos ufierta: afayaizo, guapo y, pa los sos salarios, barato.
Les consecuencies son nidies: incrementu de precios, non solo de les viviendes, sinón de la vida en xeneral, perda de formes de vida tradicionales pola sustitución d’asturianos por foriatos, escasez de llares disponibles…
Nel DSF
This work is licensed under a Creative Commons Attribution 4.0 International License.
