Asturies volvió cientrar l’atención internacional del mundu sidreru cola celebración de los Premios SISGA 2025, un concursu al que se presentaron 236 productos de 63 llagares de 18 países estremaos

Los Premios SISGA, nos que se valoren sidres non d’echar de tol mundiu, son ya un referente importante nel entornu sidreru internacional. Con 15 ediciones al llombu, el Salón Internacional de les Sidres de Gala, nel que s’entreguen los premios, foi la cuna de la Rede Europea de Ciudaes de la Sidre, Cider Cities, un macro proyeutu sidreru internacional que va dar muncho que falar.

Un elementu diferencial de los premios SISGA ye’l so sistema de valoración, nel que ca llagar participante tien voz nel xuráu, arropáu por una mesa presidencial d’espertos escoyida pola Fundación Asturies XXI. Les puntuaciones marquen el resultáu: el bronce concédese a partir de 60 puntos, la plata dende 70 y hasta 85, y l’oru cuando se supera esi llende. Les meyores sidres de cada categoría reciben amás el distintivu Premium, la máxima distinción.

Nesta ocasión, la desixencia del tribunal llevó a repartir nueve oros, 56 plates y 38 bronces, amás de 13 premios Premium. Les sidres asturianes sumaron 15 galardones, de los que cuatro foron d’esi máximu reconocimientu. Destacaron Valverán 20 Manzanas, que s’alzó col premiu como meyor sidre de xelu; Roxmut de Castañón, que fixo lo propio nel apartáu de vermús; Exner, de Gallinal Cider, reconocida como meyor sidre de copa semiseco; y Ramos del Valle Brut Nature, de Sidra Fran, premiada como la meyor sidre esplumosa brut nature.

Destacable tamién foi l’oru de Bonagua, la sidre de xelu de Castañón. El palmarés completóse coles plates algamaes por La Naveta Brut, Ramos del Valle Brut, Sidra de Hielo Cortina, Xiz Frizzante, 1918 Ancestral, Guzmán Riestra Brut Nature, Guzmán Riestra Semiseca y Guzmán Cider, amás de los bronces pa La Naveta Roxa y Guzmán Riestra Ice Cider.

Fuera del ámbitu asturianu, el llagar belga Appelino destacó como gran vencedor con cuatro premios, ente ellos dos Premiums (el so esplumosu Appelino Ambatchelitje y el llicor Pomm’o), lo que-y valió’l títulu de Meyor Llagar del SISGA 2025.

La gala de clausura preslló col nomamientu de Ippei Ishida y Mamico Mori como nuevos embaxadores del SISGA en Xapón, país que vien de celebrar la so edición llocal del certame. Con ellos, yá son siete los países con representantes oficiales d’esti movimientu sidreru internacional: Asturies, Xapón, Portugal, Chequia, Francia, Euskal Herria y Letonia.

Palmarés destacáu por categoríes

Sidre de copa seco

• Premium: Pomme Nature (Appelino, Bélxica).

• Plates: Guzmán Cider (Sidra Riestra, Asturies); Teitu (Patagonia Astigarraga, Arxentina); Sagarraleku (Baldorba, Euskal Herria); La Mirla Sidrera Extra (Castro & Magán, Canaries); La Mirla Sidrera Natural (Castro & Magán, Canaries); L’Insoumis (Domaine de la Mare, Francia); Sidra Natural sin filtrar (Llagar de Valleseco, Canaries).

• Bronces: Kuartango Sagardoa (Euskal Herria), Orbaibar (Euskal Herria), Carral Natural (Llión), Txapela (Arxentina), Sidra Natural (Canaries), Sagarno (Txopinondo, Euskal Herria), Cluny (Seidear, Escocia), Noris (Portugal), Bragada (A Bragada, Portugal).

Sidre de copa semiseco

• Premium: Exner Cider (Gallinal Drinks, Asturies).

Sidre esplumosa brut nature

• Premium: Ramos del Valle Brut Nature (Sidra Fran, Asturies).

• Plata: Guzmán Riestra Brut Nature (Asturies); Sidra Espumosa Brut Nature (Tuscany, Canaries).

Sidre esplumoso brut

• Premium: Appelino Ambatchelitje (Appelino, Bélxica).

• Plates: La Naveta Brut (Paca y Tola, Asturies); 1918 Ancestral (Sidra Fran, Asturies); Ramos del Valle Brut (Sidra Fran, Asturies); Sidra Niebla Etiqueta Negra (Bodegas FRP, Canaries); Craigies Irish Craft Cider (Irlanda); La Mirla Sidrera Natural Espumosa (Canaries); Kerr 2022 (Latvia); 2022 Suchy (Chequia); Numata Apples Dry (Xapón); Metzen Cider (Eslovaquia); Laatzomeroogst (Bélxica); Dry Irish Craft Cider (Irlanda); Brut (Markenhof, Alemaña).

Sidre esplumoso semiseco

• Premium: Cider Talk Polosuchy (Chequia).

• Oru: Appelino Ambatchelitje Rosé (Bélxica); Mild Fruchtig Craft Cider (Alemaña); Sec (Alemaña).

• Plates: Guzmán Riestra Semiseca (Asturies); Sartvaidzis (Latvia); Cider Talk Polosuchy (Chequia); Cervenka (Chequia); 2024 (Alemaña); Cidre du Saint Bernard (Italia); Scottish Castle (Escocia).

• Bronces: Hollenbach Cider 2024 (Alemaña); Cydr Podlaski (Polonia); Freude Cuvée Nr 2 (Alemaña); Espumante (Portugal); Rua (Irlanda).

Sidre esplumoso dulce

• Premium: Pepins (Abuls, Latvia).

• Oru: Falling Apple Apple Crush (Irlanda); Numata Apples Sweet (Xapón).

• Plates: Devil’s Bit (Irlanda); Cider Talk Polosladky (Chequia); Cider Podlaski 0% (Polonia); Julia y Echarrén (Arxentina); Huella Austral Dulce (Arxentina).

Sidre esplumoso dulce carbonatao

• Premium: La Petri Rosé (Petritegi, Euskal Herria).

Sidre con saborgos

• Premium: Cask (Stonewell, Irlanda).

• Plates: Xiz Frizzante (Castañón, Asturies); Cousins Cider 2024 (Chequia, dos variantes); Abolu-Aroniju (Lauskis, Latvia); Roos (Otter Cider, Bélxica); Sting (Stonewell, Irlanda).

• Bronces: Cairngorms Mountains (Euskal Herria); Falling Apple Blushing Berry (Irlanda); El Valle Secreto Limón (Canaries); Cidoniju Sidrs (Latvia); The Otter that Hops (Bélxica); Reserve (Stonewell, Irlanda).

Sidre de pera

• Premium: Poiré Artisanal Cuvée Von den Weinbirne (Alemaña).

• Oru: Poirée Jorasses (Italia).

• Plates: Schweizer Wasserbirne (Alemaña); Hohenloher Perry 2024 (Alemaña); Poiré Sec (Alemaña).

• Otros premios: Pomme Poiré (Appelino, Bélxica); Pera 100% (Sidra Alfa, Portugal).

Sidre de xelu

• Premium: 20 Manzanas (Valverán, Asturies).

• Oru: Bonagua (Castañón, Asturies).

• Plates: Sidra de Hielo (Cortina, Asturies); EisApfel (Alemaña); Huella Austral (Arxentina).

• Bronce: Guzmán Riestra Ice Cider (Asturies).

Otres categoríes

• Sidre de fueu: Su-Sagardoa (Kuartango, Euskal Herria).

• Vermut Premium: Roxmut (Castañón, Asturies).

• Plata: Verminio (Carral, Llión).

• Llicor de sidre Premium: Pomm’o (Appelino, Bélxica).

• Aguardiente de sidre Premium: Whimper 1865 (Maley, Italia).

• Plata: Aguardiente de Sidra Envejecido (Adega Pedro Leivas, Galicia).

This work is licensed under a Creative Commons Attribution 4.0 International License.